MailAmici

Nun è ovèro ca ‘e femmene
nun vonno ‘e serenàte!
So’ l’uòmmene ca ‘e credono
cose d’ajére… trapassate!
È pure ovèro, c’hanno vuluto e vonno
‘o cchiù e cchiù d’ ‘a parità.
ca quase comm’ ‘a uòmmene
mo’ li ‘a sta ‘a guardà!
Ma che vulite ‘a me!
io nun ce pozzo credere
c’hanno perduto la femminilità
mmiezo alli vie so’ ancora sparàposa
so’ spegiose, se vonno fa’ guardà!
Nu ce credo ca ‘e tiempe so’cagnate
e’ nun le piace avè na serenàta!
L’istinto è istinto nu se po’ cancella’!
Ommo, arricuordale ca è fémmena
e comm’ ‘a scióre ‘a vuo’ tratta’.
Torna alli tiémpe de Romeo e Giulietta
na bella serenàta e’….è cosa fatta!

gianfranco brienza